Lundeneset - 1. Hospitering i År!

Hei, bloggen!

I dag har eg vert på mi fyrste hospitering i år! Eg besøkte internatskulen Lundeneset VGS som ligg i Ølensvåg. Eg måtte stå opp klokka 06:30 (gjett om eg var trøyt!) og gjorde meg klar til klokka var 07:20. Då fekk eg skyss opp til Busshaldeplassen kor eg og venta på bussen med andre elevar som skulle utover til Ølensvåg. Me kom fram til Lundeneset klokka 08:10 trur eg og blei plassert meg Vg2 elevane. Me fekk litt informasjon om skulen og linja "Service og Samferdsel" før me blei delt i to og fekk omvisning rundt heile skulen.

Det var både interessant og nyttig informasjon. Me fekk sjå korleis dei budde og fekk høyra litt om korleis ting fungerte rundt der. Alt i alt synes eg Lundeneset var ein veldig koselig skule med veldig fine internat. Det er ein Kristen skule, som om den passar for meg er eg ikkje heilt sikker på, men eg fekk eit litt nytt inntrykk av korleis ting fungerer på ein internatskule.

Etter omvisninga gjekk me tilbake til klasserommet og fekk sjå korleis Vg2 elevane jobba med ungdomsbedrifta si og då klokka slo 11:00 gjekk me til lunsj i matsalen. Det var god lunsj og etter ein pause var me tilbake, men denne gongen fekk me vera med Vg1 elevane. Der fekk me vera med når dei skulle løyse ei gruppeoppgåve kvar som handla om reiseliv.

Då klokka var 13:45 avslutta me og eg tok bussen heim igjen. Alt i alt var det ein lærerik dag, men eg tvilar på at "Service og Samferdsel" er noko for meg. Eg er dessverre ikkje interessert i temaet, men det var kjekt å få sjå på skulen og no kan eg skrive opp "Service og Samferdsel" på lista for 'Linjer eg ikkje kjem til å ta'.

Eg er eigentlig ganske sikker på at eg kjem til å ta Medium og Kommunikasjon på Etne VGS, men eg har mykje eg skal gjennom i UTV faget i tiande klasse så eg kan framleis skifte meining ;)

- Stina

Tilbake på Skulen

Jepp, der var ferien ferdig! Eg har kost meg mykje, sjølv om eg ikkje gjorde noko spesielt. Eg var for det meste heime og koste meg der med syskena mine.

No har eg gått tilbake til den normale hverdagen og skal byrje med lekser, prøver og alt mulig anna. Fekk tilbake Samfunnsfag prøven om Økonomi og eg fekk en 4-er xD Hadde eigentlig ikkje forventa full pott heller, så eg var ikkje skuffa. Eg syntes prøven var vanskelig uansett. Eg er betre når det kjem til Historie xD

Hospiteringa skjer no i Oktober og eg gler meg litt til å få sjekke ut "Service og Samferdsel", sjølv om eg er litt usikker på at det er noko for meg. Eg skal i alle fall skjekke det ut og håper på at det blir bra ;)

På Torsdag/Fredag skal eg ha Norsk framføring og innlevering så eg må nok jobbe litt med det ;)

- Stina

Haustferie!

Wohoho!

Nå er det haustferie og ser verkeleg fram til ei heil veke utan skule, lekser eller framføringar! Engelsk framføringa gjekk strålande ;P Eg og Ingrid Helene (God vennine frå klassen) fekk topp-karakter og for første gong på lenge fekk eg 4+ på ein Matte prøve! :D Det er jo fantastisk deilig!

No ska eg slappe av og kose meg! I morgon vil eg te Haugesund og shoppa litt med jentene mine, og så håpar eg at alle som les dette får/har hatt ein deilig haustferie! :D

- Stina

Slitsam Veke, ass!

Hei, alle saman!

Fy søren eg er ikkje i skule humør! Eg har nettopp hatt ei engelsk innlevering, skal ha foredrag i morgon, hadde Spansk prøve i dag og etter haustferien er det ei Norsk innlevering og ei Norsk framføring -.- Så var det denne hospiteringa då, som eg trur eg skal på den 27. Oktober eller noko slikt. Eg har, som sagt, valt Service og Samferdsel, så eg trur at vil gjer det enkelt i år og velje meg ein butikk å jobbe på.

Eg har denne litle barnslege draumen om å prøve å jobbe i leikebutikk, så eg trur eg vil prøve å spørje om plass på "Ringo" på Etne Senter (: Det høyres kjekt ut!

Ellers, så skjer det ikkje så mykje. Eg ser fram til haustferien - som eg får når denne veka er omme - og eg gler meg til å sove lenge!

Ja, eg framleis trøyt -.- Go figure!

- Stina